ANGGARAN DASAR

I.               ANGGARAN DASAR (AD)

1.  Goar ni Punguan: Punguan Pomparan ni Ompu Lamin Silitonga Dohot Boruna 

     SEJABOBETABEK

2.  Inganan : Nahumaliang Jakarta, Bogor, Depok, Tangerang, Bekasi

3.  Tujuan ni Punguan: Manjalin hubungan asa masihaholongan sude Pomparan ni ompu Lamin

     Silitonga, sisada pangkilalaan di las ni roha terlumobi di arsak ni roha. Masi tungkol-tungkolan

     songon suhat di robean masiamin-aminan songon lampak ni gaol.

4.  Azas: Masihaholongan dibagasan asi dohot holong nasian Tuhan i. Somba marhula-hula, Elek

     marboru, Manat mardongan tubu

5.  Anggota ni Punguan: sude Keluarga Anak dohot Boru Pomparan ni Ompu Lamin

     Silitonga na tinggal dina humaliang Jakarta, Bogor, Depok, Tangerang, Bekasi. 

6.  Pangurus: Pangurus ima na pinilit ni anggota di sada-sada periode, leleng ni periode

     hapanguruson songoni susunan dohot tugas-tugas ni pangurus di tontuhon di Ompu Lamin

     Silitonga na tinggal di nahumaliang Jakarta, Bogor, depok, Tangerang dohot Bekasi, jala

     nungga mandaftar jadi anggota ni Anggaran Rumah Tangga (ART).

7.  Penasehat : penasehat ima sian anggota namatua naboi mangalehon panuturion tu Punguan jala

     pinilit ni anggota/ Pangurus ni punguan.

8.  Sumber Dana: a. Uang Pangkal

                                   b. Iuran Bulanan

                                   c. Donatur manang usaha na so maralo tu Punguan

     9.  Punguan didirikan            : 24 Mei 2005

   10.  Hak dohot Kewajiban ni Anggota Punguan di atur di Anggaran Rumah Tangga (ART)
  

II.             ANGGARAN RUMAH TANGGA (ART)

       

 Pasal 1

KEANGGOTAAN

Sude keluarga anak dohot boru pomparan ni Ompu Lamin Silitonga na tinggal di nahumaliang Jakarta, Bogor, Depok, Tangerang dohot Bekasi namandaftarhon masuk tu punguan jala na mangalehon kewajiban songon na tinontuhon di AD/ART

Pasal 2

HAPANGURUSON KEPENGURUSAN

               I.     Susunan ni Pangurus ima:

I.a Ketua Umum

I.b Ketua I

I.c Ketua II

I.d Ketua III

I.e Sekretaris Umum

I.f  Wakil Sekretaris

I.g Bendahara

I.h Wakil Bendahara

I.i Humas

I.j Komisaris-Komisaris

I.k Seksi Bidang

                        a. Bidang adat

                        b. Bidang Kerohanian

                        c. Bidang Dana

             II.     Susunan ni pengurus na boi do berubah manang ditambah sesuai tu haporluan ni punguan.

           III.     Tugas – tugas ni pengurus

3. a          Ketua Umum                  

Mangulahon dohot mambahen/ mamutushon rapot, mambahen program kerja sidalantononton ni punguan.

              3. b             Ketua I, II dan III

                  Membantu ni tugas tugas ketua umum.

              3. c             Sekretaris

      Martunggung jawab di angka Administrasi punguan isara ni

      keanggotaan, inventaris

             3. d              Wakil Sekretaris

                 Membantu tugas – tugas ni Sekretaris umum.

             3. e             Bendahara Umum

                  Martangung jawab di parhepengon ni punguan manjalo, manimpan huhut mangaluarhon biaya molo adong haporluan sesuai tu AD/ART dohot persetujuan ni Pangurus.

              3. f           Komisaris

                Mangkoordinir anggota di wilayah manang na di marompu-ompu masing-masing, jala mangalehon barita, angka namasa di wilayah manang na di namarompu-ompu tu Pangurus.

            IV.      Periode ni hapanguruson ima 2 ( dua ) taon, boi dipilit muse

Pasal 3

 PARHEPENGON ( SUMBER DANA )

1.    Uang Pangkal             : Godangna di tontuhon anggota ni Punguan (Saat dibuat AD/ART on uang Pangkal Rp 10.000,- )

2.    Godangna di tontuhon anggota ni Punguan ( Saat dibuat AD?ART on Iuran Bulanan Rp 2.500/bulan

3.     Donateur usaha naso maralo tu Punguan.

Pasal 4

 KEWAJIBAN NI ANGGOTA

1.       Sude anggota ni Punguan Anak manang Boru, Pomparan ni Ompu Lamin Silitonga songon na ditontuhon di AD/ART on, boi mamilit dohot dipilit nagabe pangurus ni punguan

2.       Sude anggota ni Punguan markewajiban pasahathon iuran bulanan songon na diatur hon di ART ( pasal 3 ayat 2)

3.       Sude anggota ni punguan ingkon marusaha mangalehon pingkiranna boha asa denggan mardalan punguanon

4.       Di habot ni roha suang songoni nang di las ni roha asa sude ro mangihuthon boa-boa ni pangurus

5.       Molo adong anggota ni punguan jumolo monding (marujung ngolu), sude anggota ni punguan anak dohot boru ni Ompu Lamin Silitonga na adong di JABODEABEK sahasuhuton, mangalehon pingkiran dohot gogona asa denggan ulaon mardalan na hombar tu parmonding na i.

Pasal 5

    HAK NI ANGGOTA PUNGUAN

1.       sude anggota umboto Anggaran Dasar (AD) dohot Anggaran Rumah Tangga (ART) ni punguan.

2.       Ulaon Habot ni Roha ( Sitaonon )

a.     Anggota ni punguan ima Kepala keluarga, istri, anak naso hot ripe jumolo monding ( marujung ngolu ). punguan pasahathon tu keluarga  on ima:

1.     punguan mandalanhon teken les tu anggota, sipasahaton tu keluarga na marsitaonon. Punguan pasahathon pangapulion, jala marsipanganon, biaya tusi ima sian dana na tarpapungu (teken les)

2.     punguan pasahathon hepeng songon ganti ni bunga duka sian kas godang Rp.250.000 (dua ratus lima puluh ribu rupiah)

b.     Molo adong orang tua ni anggota na ro siang bona ni pasogit, marujung ngolu di JABODETABEK, punguan mambahen teken les tu anggota ni punguan, sude anggota mangalehon gogona dohot pingkiran asa denggan ulaoni mardalan hombar tu parmondingna. Punguan pasahathon pangapulion jala marsipanganon, biaya tuson sian dan natarpapungu. Punguan pasahathon hepeng ganti ni bunga duka godangna Rp.250.000 ( dua ratus lima puluh ribu rupiah)

c.      Molo adong anggota ni punguan namangalami bencana alam isara ni kebanjiran, kebakaran namambahen harugian na balga, bahenon ni punguan do tuson kebijaksanaan alai jolo di putushon rapot melalui Pangurus Harian.

3.       Ulaon Las ni roha

a.     Molo adong anggota pangolihon anak, jala adong boa-boa manang undangan resmi tu punguan, pasahaton ni punguan do tumpak sian kas godangna Rp.200.000 (dua ratus rbu rupiah)

b.     Molo aong anggota na pamulihon boru jala adong boa-boa manang undangan resmi tu punguan, pasahaton ni punguan do tumpak sian kas godangna Rp.200.000 (dua ratus rbu rupiah)

4.       anak dohot boru pomparan ni Ompu Lamin SIlitonga naso mandaftarhon masuk tu punguan dang mandapot hak manang kewajiban songon na di tontuhon di AD/ART on, alai di angka ulaon adat tarlumobi di ulaon habot ni roha, punguan tetap do berperan aktip tu nasida.

Pasal 6

               KEGIATAN NI PUNGUAN

1.          punguan mambahen pertemuan ni sude anggota salambat-lambatna sahali dua taon, isara Natal Bersama, Partangiangan Bona Taon

2.          bentuk-bentuk pertemuan atau kegiatan lain-lain sidalantonon ni punguan di tontuhon jala ni uluhon ni Pangurus

 Pasal 7

DANG PARSIDOHOT BE DI PUNGUAN

1.     atas pangidoan ni anggota naso dohot be nasida gae anggota ni punguan

2.     anggota ni punguan dang mangalehon kewajiban iuran bulanan saleleng 1 sataon, kecuali adong alasan na tertentu, naboi partimbangkonon ni Pangurus.

3.     Pindah inganan tu daerah di luar JABODETABEK

 Pasal 8

BUBAR PUNGUAN

            Bubar punguanon ima, molo adong 2/3 anggota ni punguan on mangidohon asa bubar, molo bubar, sude aset ni punguan di pasahat tu ulaon sosial

Pasal 9

TAMBAHAN

            Angka na so tarsurat di Anggaran Dasar (AD) dohot di Anggaran Rumah Tangga (ART) on boi do marlangku, alai ingkon na pinutushon ni Rapot Anggota ni punguan secara musyawarah dan mufakat.

Pasal 10

PENUTUP

Songoni ma Anggaran Dasar/Anggaran Rumah Tangga (AD/ART) on dibuat dohot haputuson ni rapot anggota na di totophon di ari Selasa 24 bulan Mei Taon 2005.